宋熙年陳智燊英倫行禮變喊包
拍拖7年的無綫小生陳智燊（Jason）與華姐出身的宋熙年（Sarah）去年在澳洲盟定終身，早已對外透露將於今年內完婚，結果二人前日靜雞雞飛往英國倫敦行禮。婚禮照片昨日曝光，一身露背低胸婚紗的Sarah，依偎在老公懷中，在婚禮上更被感動到全程變喊包！Jason接新娘時在好友見證下多次發表「愛妻宣言」，認真sweet爆！
38歲Jason與31歲Sarah拍拖7年一直無風無浪，相當恩愛。去年暑假忙於拍劇的Jason特意向劇組請假，「即日來回」澳洲向在當地放假的Sarah求婚，成功抱得美人歸。二人事後大方公布喜訊，更密密張羅婚事，月前拉隊往大牌檔拍攝別開生面的婚照，當時二人坦言今年內會結婚，計劃於香港、英國及澳洲三地舉行婚禮。
新娘預訂姊妹手鐲
早前在港正式入紙申請註冊結為夫婦的Jason及Sarah，原來日前已率先飛抵新郎成長之地英國，準備昨天舉行婚禮。一對新人揀選位於東薩塞克斯郡、約有近300年歷史的Buxted Park Hotel作婚禮場地，整個婚禮可謂Sarah一手包辦，一絲不苟，她更細心預訂一式一樣的手鐲送給姊妹團，認真貼心。
據悉，婚禮舉行前，當地天氣預報會下雨，想不到正式行禮時天公作美。雖然身在外地，一對新人亦做足中國傳統儀式，包括接新娘，以及穿上中式禮服跪地斟茶給長輩。行禮時，身穿性感婚紗的Sarah戴上Jason當日為求婚而親自設計的鑽戒，由「花仔」陳爽兒子帶領步入會場，在一眾好姊妹包括陳爽、李亞男及高海寧等見證下，正式宣布成為陳太。
新郎High爆跳舞娛賓
新娘表現相當感性，由踏上紅地氈已開始「喊唔停」，多次被周遭氣氛及親友的祝福所感動，而Sarah妹妹及好友為給新娘驚喜，竟秘密練兵重演Sarah參選華姐時表演的呼拉圈舞贈興，Jason的好兄弟則唱歌伴奏。行禮後，陳氏伉儷隨即筵開10席宴請親友，Jason更跳舞娛賓，將氣氛推上高峰。
新婚的Jason及Sarah事後接受《東張西望》長途電話訪問，Jason大讚婚禮場地：「我哋揀咗喺郊區行禮，嗰度有片大草地，係一處令人好輕鬆嘅地方。（點玩新郎？）佢哋要我講愛妻宣言，要逐粒字讀，又話我讀得唔清楚，講咗兩、三次佢（Sarah）先收貨。」談到度蜜月，Sarah笑稱：「梗係唔話畀大家知去邊啦，不過好期待放鬆一下，話晒之前嗰一個月好忙呀！」
文：影視組