鄧愛嘉創意右腦受制理性老公
鄧永鏘女兒鄧愛嘉鍾情攝影，與老公Christopher Owen一同開設創意工作室，自言負責右腦的創意部分，老公則是左腦，負責行政部分，兩公婆「一凸一凹」互補不足，合力創作出色作品！
鄧永鏘的女兒鄧愛嘉（Victoria）將攝影興趣變成事業，與老公Christopher Owen開設創意工作室，早前為意大利品牌Max Mara拍攝「Max Mara 101801 De-Coated」照片，並找來名模謝婷婷、國際時尚icon Irene Kim及Vanessa Hong任模特兒。
Victoria透露老公不愛攝影，只愛做管理兼最後的話事人：「佢係management，有時做project deadline係好現實，可能有時我想咁，佢會話唔得。可能個客要6張相，我話全部都好靚，咁點算？佢就做final decision，佢係我波士。」
與婷婷合作零難度
Victoria透露二人在公司分工合作，更以左右腦形容關係，缺一不可：「佢係左腦，我係右腦，因為右腦比較creative，左腦business上較好啲，我哋想分清楚個role，咁做生意先會成功。」她坦言未必人人都可以與另一半成為工作夥伴，但她與老公一凹一凸，暫時合作愉快，亦冇為工作吵架。
首次做大型工作與謝婷婷合作，Victoria笑言冇難度：「試過有啲model擺唔到我想要嘅pose，我就走去擺一次，但同婷婷影，佢擺pose，我捕捉佢最靚一面就得，好舒服。」雖然拍足全日，天氣又熱，攝影機又重，但為營造一種迷幻及偷望的感覺突出「101801」的經典大褸，故以神秘密室做主題。此大褸於1981年設計，至今全球已售出超過14.2萬件。
日本學藝觸發熱情
提到同樣為品牌拍攝的blogger Irene Kim及Vanessa Hong近年在網絡世界冒起，Victoria直言是兩人的粉絲。她指時代漸漸轉變，從前用日記記錄生活，現今用視像記錄，非常方便。Victoria對攝影的熱誠由16年前去日本學習技巧，到買第一部相機開始，當時獨自到新宿周圍影。現時30歲的她踏入人生另一階段，正式開設工作室，發展所長！
文：名人組