麥明詩又癲又喪嗌分手
藝人麥明詩（Louisa）、何浩文（Dominic）及麥玲玲等昨日為電影《失戀日》開工，拍攝Louisa主動向Dominic提出分手的戲份，為配合劇情，Louisa特別化上熊貓妝。雖然兩人傳緋聞，但毫不避忌，未埋位仍有傾有講，早前宣布甩拖的Louisa被問到是否更易投入角色？她說：「係咁就好，其實個角色好癲喪。（咁近排感情點？）係有風波。（會唔會搵玲玲指點？）我唔信算命，佢好有智慧，但我係基督教。」
對於中秋節被拍到與林作食飯過節，Louisa說：「私人事唔回應啦！」而麥玲玲稱近日有和林作母子見面：「林作都OK，話所有嘢跟麥明詩講就啱。（幫林作拉線？）冇見佢好傷心，佢媽咪就好積極。（咁佢哋八字夾唔夾？）係要離合，呢個遊戲有排玩，以命論命，佢哋都未係大家最後一個。」