演藝世家姜大偉聞死訊覺突然

秦沛前妻梁盛子於溫哥華因腦溢血病逝，向秦沛弟弟姜大偉作了解時，他說：「朝早聽朋友講梁盛子過咗身，之前喺溫哥華啲聚會有見過面，喺香港就冇，對於佢嘅死都覺得好突然。（秦沛同梁盛子仲有冇聯絡？）應該冇聯絡。（知唔知佢嘅身後事安排？）冇聯絡都唔清楚，而且我喺無綫拍緊劇，都冇時間飛過去。」
秦沛（右起）、姜大偉及爾冬陞是演藝圈的中堅分子。
秦沛（右起）、姜大偉及爾冬陞是演藝圈的中堅分子。

出身演藝世家的秦沛，原名姜昌年，生父嚴化（本名姜克琪）、母親紅薇以及繼父爾光均為演員；其弟姜大偉及其妻李琳琳和同母異父的弟弟爾冬陞，均是香港著名藝人，至於秦沛的兒子姜文杰和女兒姜麗文，都已加入演藝圈，三代均涉足演藝界！

爾冬陞侍母至孝，常陪伴母親紅薇。
  • 爾冬陞侍母至孝，常陪伴母親紅薇。