雷安娜：個心乸住！

歌手雷安娜對梁盛子過身表示不能接受，她在電話中說：「6月喺加拿大見過佢，佢請我去佢屋企食飯，嗰日佢整咗好多嘢畀我哋食，佢知我食齋，又整齋菜畀我，一個咁有活力嘅人突然就走咗，聽到呢個消息我個心都乸住，成晚瞓唔到。」現時她不會聯絡盛子家人：「我都接受唔到，更何況佢屋企人，肯定好傷心，唔想打擾佢哋。」由於她在港有工作要做，未必能到加拿大出席喪禮。