草蜢「家嘈屋閉」巨星被投訴
組合草蜢、名模周汶錡前晚錄影無綫節目《我愛香港》，草蜢代表九龍城區出戰，透露住在該區多年，其住所更成藝人之家，笑言常常被鄰舍投訴太嘈。蔡一傑說：「畀人拍門，點知一開門就見到張學友、郭富城、梅艷芳！」又指參加得遊戲節目就要落力玩，望贏走獎金獎品。
談到工作，三人表示忙於準備即將舉行的馬來西亞演唱會及十一月香港的音樂會，指兩場演唱會完全不同風格，故要花時間練歌練舞，同時亦忙於籌備新唱片。
麥美恩被嘲係豬
有份主持的麥美恩近日與森美鬥嘴鬥出火花，更爆料指被森美在電台節目中笑她是豬！她說：「嗰一Part係Q&A，我就係預先錄咗啲問題同答案畀個節目播，點知森美同我答一樣，佢就笑我係豬！咁佢係咩呢，佢同豬玩喎！」近日被翻出參選港姐時照片的她，被指是「龍躉村姑」，她直言見到都嚇一跳，她說：「真係肥腫難分，好恐怖，好彩我爭氣，依家靚咗！」
文：影視組