馬楚嵐揀男友一味要粗！

o靚模馬楚嵐（Nina）經常在電影中飾演泳裝女郎，自然要Keep住索爆好Body，近月便愛上在家中做核心運動，主力鍛煉腹部及腿部！即使正修讀翻譯課程及兼顧模特兒工作，但她仍堅持一周至少做三晚運動：「我下身比較易肥，所以集中做下身運動，依家肌肉都結實咗！有時放學好攰但都會堅持，唔Keep就冇效。（理想身形係點？）幾欣賞周秀娜，瘦得嚟有胸有Pat Pat，好難應有則有，應冇則冇o架嘛！」

「升呢」女神級勁開心

最近，Nina擔任有線節目《怪談：不思議手記》主持，終於不用性感並可發揮口才，但笑言最大挑戰是要探靈，自認細膽最怕昆蟲及畏高：「唉！好多節目都鍾意搵我拍啲驚嘢，可能我反應好大，一定夠晒效果。」Nina笑言要搵擁有強勁手瓜的男士照顧，擇偶條件也講明最愛運動型男：「一直鍾意黑黑實實嘅陽光男，最欣賞台灣嘅阮經天、韓國嘅Big Bang成員太陽！之前睇美國隊長，佢有一幕拉住架直升機，啲手臂肌肉超勁，真係好Man！」

咪睇馬楚嵐主持靈異節目，其實好鬼細膽！	馬楚嵐勤力做運動Keep Fit，腹肌幾咁結實！	馬楚嵐希望男友手瓜起(月展)，咁先夠安全感。

曾被指貌似周海媚及張美妮的Nina近月剪了短髮，感覺像年輕網絡女神杜小喬，Nina說：「都開心！話晒佢係女神級，代表我都唔差！我哋最似可能都係眼大，但大家感覺唔同，佢係似清純青春，我就多少少性感、野性。」

Profile

馬楚嵐（23歲）

身高：1米65

三圍：32C、24、33

簡歷：擔任大小活動的Promotion Girl及Game Girl，曾參與有線節目《十萬蚊港女大翻身》、電影《迷城》、《金雞SSS》，最近主持有線節目《怪談：不思議手記》。

文：立影

攝：劉斌