朱慧敏裝胸凸Pat姣爆上海
朱慧敏前晚在上海演出舞台劇，以歌女造型亮相的她不但塞「升球大墊」變巨胸，更變出「超級豪華臀」狂擺S形姿勢，「姣味」十足勁吸睛！而胡杏兒亦以「雞冠頭」搶鏡，更在台上唱出水準，令觀眾拍爛手掌。
藝人胡杏兒、朱慧敏和邵美琪前晚在上海演出杜國威筆下的經典舞台劇《我和春天有個約會》，其餘演員陣容有藝人江美儀、梁琤、謝天華、關禮傑和鄧健泓等好戲之人，令觀眾睇到拍爛手掌。
腰痠背痛敷水袋
一眾女角在劇中以歌女造型爭妍鬥麗，當中以飾演婉碧的朱慧敏最為搶眼球，劇中姣到出汁的她不但狂塞「升球大墊」製造巨胸效果，更「裝假狗」變出超級「豪華臀」擺出S形姿勢！對於劇中的誇張造型，她笑謂：「為咗舞台效果我唔介意要咁做嘅，不過啲朋友就係咁笑我囉，我就話做戲啫！」又指一眾拍檔對她都非常細心：「佢哋都知我負擔重，每日可能戴啲假嘢成十個鐘，所以都經常叫我坐吓，又叫我用暖水袋敷吓條腰。」
杏兒「雞冠」搶風頭
男主角謝天華演得淡定，之後他將演出改編漫畫的舞台劇《風雲》，相信先行吸收不少經驗！杏兒亦不讓朱慧敏專美，她在台上唱出水準，比起她在內地節目《跨界歌王》的表現更為穩定，而她頭上的「雞冠頭」非常搶眼，由於演出奔放，最後搞到髮型有些散亂。此外，有指她和老公李乘德為早日生B搬到被指旺丁的大埔逸瓏灣，還向主辦方要求將綵排地點由上海改到香港，對此，杏兒以電話回應：「搬屋就係搬屋，唔係為咗生BB，啲長輩都冇催我，只係我催自己，都要等手頭工作完成晒先可以生。（因為要造B轉綵排地點？）根本一直都喺香港綵排，呢個係主辦商嘅安排，唔係我要求。」
文：影視組