克勤等伍家朗退役：簽佢做歌手
向來是足球迷的李克勤近年「移情別戀」愛上羽毛球，日前他與曾打贏奧運金主林丹的香港羽毛球運動員伍家朗接受訪問，克勤大讚伍家朗歌喉了得，待對方退役後定必羅致他到旗下做歌手。
克勤除了熱愛足球外，近年對羽毛球亦產生興趣。日前他與有「林丹殺手」之稱的香港羽毛球運動員伍家朗一同接受電台訪問，他透露伍家朗年輕時的教練，剛好亦是他和太太盧淑儀及兩個兒子的教練。克勤笑說：「我呢兩年先學嘅。（佢係師兄？）隔咗幾代，我唔敢亂講。」又指一直很崇拜香港出色的運動員，有機會想結識他們，所以約了伍家朗食晚飯，乘機取經。
放棄很多運動時間
節目中，主持問伍家朗是否識唱克勤的歌？克勤以為對方只會唱《紅日》，但伍家朗竟然選唱《我不會唱歌》，令他非常驚喜。他笑說：「佢可能成日聽我嘅歌，又或者係用運動員心態、好勤力咁背歌詞，但兩樣都值得我開心。同埋估唔到佢唱得咁好。我仲同佢講笑話等佢退役之後，我同英皇都應該完約，到時可以簽佢做歌手。」
克勤坦言兩個兒子出世後，他和太太放棄了很多運動時間：「我太太盧淑儀有高爾夫球嘅教練牌，但因為小朋友而冇打，羽毛球就可以等小朋友瞓着咗先打。」他又指打羽毛球時經常扭傷，但最大樂趣是與好友切磋：「葉蒨文同校長（譚詠麟）打得最好，唔好睇校長身形比較大隻，佢嘅全力扣殺好厲害。」問他可敢與伍家朗切磋？他說：「Level差太遠喇，等我再進步啲先。」
文：音樂組