馮德倫返港陪過節舒淇面紅紅晒婚戒

早前宣布結婚的舒淇與馮德倫先後返港過中秋，繼舒淇前日回港後，馮德倫昨日亦從捷克返抵本港。頭戴Cap帽配墨鏡、滿面鬍鬚的他，左手戴着婚戒，談及「馮太」，他即頻頻甜笑，但拒談求婚細節：「唔講啦！所有嘢喺聲明講咗，唔講咁多。（造人？）中秋節快樂！多謝你哋過節都嚟，辛苦晒。（傳你哋趕生仔？有冇計劃？）得o架喇！Thank You！（度蜜月造人？）中秋節快樂！」被記者包圍的他亦與太太一樣，前往座駕時一度迷路，笑說：「死喇！我應該行邊？」然後登上七人車，返淺水灣愛巢會老婆。有老公陪的舒淇，昨日在Instagram上載外出開餐的照片，大方騷婚戒的她搞笑留言：「月餅節，增胖快樂。」並加上面紅效果，非常可愛！