陳琪大肚寫真留後露驚老公走佬

陳琪拍攝大肚寫真紀念佗金叵羅，但老公胡諾言唔多Happy。

胡諾言唔Like

拍攝當日，陳琪分別轉換三個造型，既有古典美，亦有性感美，更有全裸部分，僅以一件晚裝遮掩重要部位，她說：「影之前睇過好多Reference，覺得唔一定要賣弄性感，都可以影到我好藝術。我仲特登為輯相買內衣，因為從來冇影過咁大膽嘅相。（唔直接坦蕩蕩？）我接受到o架，不過老公胡諾言係好傳統嘅男人，如果咁樣，佢實走咗去添！今次本來叫佢一齊影，但佢拒絕我，咁我咪自己影囉！影完畀佢過目，佢雖然話靚，但都o依o依哦哦，仲話『都叫咗唔好影o架啦』！」她還打算以那件晚裝為目標，準備產後積極收身，待減到一定磅數時穿上，再與囝囝影相留念。

談到細仔即將出世，陳琪表示頗期待，除執定「走佬袋」準備隨時入院外，更開始吃芝麻糊：「到依家都未睇到阿仔個樣，淨係見到佢頭髮唔多，老公驚佢出世得兩條毛，就係咁叫我食多啲芝麻糊囉！」

僅以晚裝蔽體的陳琪，以黑白唯美風格留下美好回憶。	胡諾言	陳琪刻意添置新內衣影靚相。