楊玳詩爆細佬父愛滿瀉隨時再生
英皇集團老闆楊受成女兒楊玳詩昨日出席餐廳開幕，透露現時打理公司證券工作，頗為繁忙。問到會否少了時間陪伴家人？她說：「都少咗，聽（今）日會做節，爸爸好緊張節日。（打風會唔會掃興？）唔會，最緊要一家人一齊食飯。」談到弟弟楊其龍的混血女兒，她即大讚：「好得意，佢做咗爸爸之後乖咗好多。（再生？）應該會。」
而同場的前亞姐施綺蓮表示正忙於在香港開辦英國國際學校：「我主要負責統籌方面，會請英國管理層嚟香港管理。（何解有興趣辦學？）好似話香港缺4,000個國際學校學位，我三個小朋友入國際學校都好難，應該好有前途。」
