胡芷欣紐約時裝周露峰芒

葉玉卿雖然長居美國，卻甚少出席紐約時裝周，日前就帶同大女見世面。卿卿盛裝打扮到場，穿上Tube Dress的她收起豐滿身材，反而被囡囡Victoria搶盡鏡。皆因遺傳了媽咪優良基因的Victoria，以金色貼身低胸晚裝裙谷胸示人，完美身段表露無遺。

卿卿透露與女兒分別帶同朋友往睇騷：「今次係去捧老友場，平時好少去時裝騷，我都唔係緊貼潮流嘅人。今次都好開心阿囡肯陪我去，依家佢呢個年齡好多時都陪朋友，難得仲黐媽咪。」女兒索爆現身，卿卿卻表示囡囡未在最佳狀態：「佢啱啱開學又要預備入大學嘅考試，好忙，忙到每日都只係瞓得三、四個鐘，所以狀態唔係咁好。（件衫係你揀畀佢？）佢同朋友仔一齊去買，不過試衫時都有影啲相畀我問我意見。」

唐嫣與李易峰甫到場就成為內地傳媒追訪對象。	張儷、李沁、王麗坤	楊冪獲品牌送上印有「Y.M」字樣的生日蛋糕。

楊冪獲驚喜慶生

此外，今年有不少內地影星現身紐約時裝周，本月12日生日的楊冪應Michael Kors邀請到紐約睇騷，品牌更特別在酒店為楊冪策劃了一場驚喜派對。除準備金色氫氣球外，還送上印有「Y.M」字樣的生日蛋糕及限量版的紅色相機袋與即影即有相機，令楊冪愛不釋手即場大玩自拍。

李易峰避談緋聞

至於楊冪好友唐嫣與內地男星李易峰，則出席Coach 2017春夏時裝騷。首次到紐約時裝周的李易峰，被問到有否與曾傳緋聞的楊冪說生日快樂？他甚為避忌，支支吾吾說：「我……我……我都有看到，在微博上看到祝福。」問到會否約對方食飯時，其身邊的工作人員即時擋駕。而唐嫣提到好友楊冪生日時說：「我們受兩個不同的品牌邀請，而且不是同一日到，趕不及碰面，但有打電話。（在紐約一齊食飯？）要看時間，但已經準備好神秘禮物。」此外，內地女星張儷、王麗坤及李沁亦有現身紐約出席不同品牌的時裝騷。