欣宜明年唱爆紅館：都幾癲！
歌手鄭欣宜獲老闆蕭定一捧上紅館，揚言已為欣宜入紙申請明年紅館檔期，而欣宜誓要父親鄭少秋睇足兩場，當提到身在加拿大的婆婆及親戚時，欣宜感觸得眼紅紅。
鄭欣宜將於10月21及22日假九展Star Hall舉行兩場「鄭欣宜女神有問題演唱會」，欣宜昨日以白衫黑褲黑白Look出席處女個唱記者會，吸引各大主辦單位高層及電台高層捧場。司儀即場宣布欣宜獲經理人公司老闆蕭定一入紙申請明年紅館檔期，而蕭定一就預先送上紅館個唱門票為欣宜打氣，氹得欣宜開心喪笑，並說：「呢件事都幾癲，唔夠膽諗可以喺紅館開騷。」
講起親戚眼濕濕
由於「歌神」張學友睇住她成長，問到會否邀對方做九展演唱會嘉賓？欣宜保持神秘說：「兩場都有我好欣賞同敬佩嘅嘉賓，想保持神秘唔透露住。」並坦言已要求父親鄭少秋捧足兩場，她說：「我坐喺佢側邊望住佢入落手機記事簿。」提到可會邀加拿大的親戚時，她一時感觸得熱淚盈眶：「有同佢哋講，冇特登叫佢哋嚟，因為年紀大坐長途機好辛苦。（你包私人飛機畀佢哋？）嘩！好貴！（媽咪唔喺度會唔會美中不足？）唔會！相信媽咪（已故沈殿霞）知道。」
備戰練氣不收身
欣宜坦言開始努力做運動練氣：「收身就唔會，有Part舞要跳十幾分鐘，同埋冇試過要唱三十首歌，所以會好好練氣。」更透露稍後會到外地為個唱拍短片：「地方唔講得，總之好真實，似真人騷咁。」
文、攝：音樂組