陳嘉容絕色身形
《東網巨星》全新娛樂節目《星魅博》播出後反應熱烈，今集再次找來本地時裝設計師鄧達智（William）品評圈中名人穿衣配搭，更會提供相關潮流小貼士。William大讚名模陳嘉容身形fit爆，完全能駕御窄身的橫紋條子裙並配上絕配的藍色高跟鞋，充滿青春氣息。相反，青春無敵的藝人吳千語卻穿上一件剪裁不平衡的服飾，給人老氣感覺，認真失手。
陳嘉容 鞋裙絕配
「呢條橫紋咁窄嘅條子裙，其實好蝦人着，多一分脂肪都會咇出嚟，係陳嘉容先着到，同埋對鞋嘅detail，將藍色同上面咁多顏色放埋一齊，相當之夾。」
吳千語 美感盡失
「套衫其實好老氣，睇起上嚟好似好前衞，一面短一面長，但太夾硬，唔平衡得好緊要。套衫只會畀人感覺佢老氣，而唔會畀人感覺到得意。」
張燊悅 上身累贅
「呢條裙其實做到將條紋同壓摺放埋一齊，一個好high-tech嘅做法，不過件衫個袖我就覺得累贅啲，放埋一齊就變咗太多嘢。」
陳凱琳 悶氣難掩
「由頭橫到落尾都係咁闊嘅橫紋連衣裙好沉悶，如果設計上可以考慮到上身嘅紋同下身嘅紋，甚至係中腰屁股位嘅紋，有唔同層次嘅橫度同粗度，可能係會更好。」