蒙嘉慧黑衣掩眼法瘦番！
藝人蒙嘉慧（YoYo）於五月出席活動時身形發福不少，昨日她出席導演分享會，以全黑造型現身的她明顯消瘦不少，問到是否有努力做運動Keep Fit？她笑說：「有努力買好多黑色衫！運動都有努力，但好難，做得唔夠多。」她又指夏天都要用外套遮贅肉。
YoYo將在一套藝術電影中飾演當代舞老師，她笑言可乘機Keep Fit：「會有個老師單對單教我跳，每日練3個鐘，我諗我一定瘦到！（有冇跳舞底？）冇呀！零！個老師話雖然我四十歲有多，但仲有信心教到我嘅。」提到老公鄭伊健指她之前太瘦，她笑說：「佢同你哋係咁講，返到去咪一樣咁話我肥。」