關智斌密謀英國掃磚頭
藝人關智斌（Kenny）與英皇的合約將於年底屆滿，他昨日出席店舖開幕禮時透露獲不少公司招手：「我都受寵若驚，估唔到自己咁值錢！（會離開英皇？）做生不如做熟，始終係英皇捧我出嚟，我識飲水思源，不過當中有啲矛盾同鬧交，希望可以解決到，都要盡快做決定。」
此外，Kenny透露月底將飛往北京拍劇，為期3個月，記者笑稱他又返內地吸金然後回港「掃樓」，他笑說：「掃街就有我份！大家做乜咁市儈？香港生活費好貴，返咗嚟兩個月收到月結單都驚，總之要努力搵錢！」不過他坦言有意在英國置業：「曾經有前輩同我講，邊度經濟唔好就喺嗰度投資。」