馮盈盈又有爆粗片流出

藝人黃翠如、出爐港姐冠軍馮盈盈、亞軍劉穎鏇、季軍陳雅思及友誼小姐張寶兒昨日出席面膜品牌活動，翠如以代言人身份頒獎。翠如過去曾聲稱「好驚粗口」，但與「爆粗港姐」馮盈盈同場卻沒有異樣，更大讚盈盈勇敢，面對負面新聞亦處理得相當有智慧，自言要向她學習，又指記憶中男友蕭正楠沒有向她講過粗口。

提到蕭正楠生蛇，翠如透露他目前有服藥治療，佩服男友捱足一星期才看醫生：「起初以為係水痘或者畀嘢咬，之後影相畀醫生睇，醫生即刻叫佢去診所！佢忍痛能力好高，淨係休息咗一晚就開工！」問到男友可有趁病「嗲」她？翠如說：「佢連嗲嘅力都冇！佢都開心嘅，喺化妝間繼續同人玩，好佩服佢！」

劉穎鏇留港發展

至於馮盈盈表示並非出於任何目的才勇於承認曾爆粗，只為做過的事負責。談到再有拍網片期間講粗口的片段流出，她解釋只是短片的橋段，並非臨場爆肚，問到被翻舊帳是否感到很大壓力？她說：「勇於面對所有自己做嘅事，選港姐前後都冇變過，壓力係有，覺得有啲地方做得唔夠，好想做好佢！」

亞軍劉穎鏇亦被爆有男友，她透露目前與男友分隔兩地，要觀望異地戀能否維持下去：「唔得就做番朋友。（打定輸數？）都要諗長遠啲！」她表示將留港發展，但會繼續學業，日後會轉讀網上課程直至畢業。

文：影視組