天后Lady GaGa闊別3年再度推出新歌，連續4日宣傳都以超短半截Tee配熱褲示人，示範露「南半球」才是王道，不過裏面原來黐晒黑膠紙，遭粉絲偷拍都只係「點」到即止！
以往被封為「百變天后」的GaGa闊別3年再度推出主打歌《Perfect Illusion》，造型唔再百變，上周五開始連續4日宣傳，都以較為「平民」的造型亮相。清減了不少的GaGa連日來穿上超短半截Tee配熱褲示人，Fit爆身材任人（目及），最搶眼的莫過於被半遮半掩、若隱若現的「南半球」。
首兩日，GaGa件Tee僅僅遮住雙峰，但她一見粉絲即舉高雙手打招呼，下半球即刻彈出嚟，極具3D效果，有男粉絲有幸近距離食波餅跟GaGa攬攬。在夜店演唱新歌時，GaGa頻頻「舉高雙手、使乜怕醜」，有粉絲在台下立即「低炒」，影到GaGa原來黐晒黑膠紙，十足封箱一樣咁密實，點影都係「點」到即止。
首兩日吹完「南峰」，「乳」勢逐漸減弱，GaGa前日雖然同樣以半截Tee四出宣傳，不過就出動埋黑Bra強力打底，連「南半球」個影都冇埋，放心跟男粉絲錫錫合照，剩番熱褲露出大半個籮柚撐場，頓時失色不少。另外，GaGa日前否認新歌講舊愛Taylor Kinney，稱自己好愛對方，唔會寫歌唱衰他。
文：外娛組