8號波一出鄧鉅明唔見200萬
太子珠寶鐘錶主席鄧鉅明、名模周汶錡（Kathy）、歌手許廷鏗（Alfred）及雷怡暉等，昨日出席腕錶品牌活動。鄧生被問到中秋打風會否打亂其慶祝計劃？他說：「唔會打亂，係賞唔到月。最心傷係我嘅生意街舖比例多啲，一打8號風球開唔到門就一日唔見200幾萬，都幾肉赤，希望唔好打風，將嗰200萬慳番畀太太買嘢仲好。」
而性感上陣的Kathy就謂已做足安全措施，並透露囝囝經常手多，游水時喜歡用手撩其肚臍，又透露對14個月大的囝囝於一星期內學識步行約20步大為感動。日前任港男評判的她，表示有收看港姐賽事，並自誇有眼光：「我貼中晒港姐嘅冠、亞、季軍，亦貼中最上鏡香港先生。」
至於Alfred被問到對於剛出爐的港姐冠軍馮盈盈，被揭曾在社交網連環爆粗事件，他承認自己亦有說不帶攻擊性的粗口助語詞：「男仔係球場踢足球少不免，助語詞係增加語言嘅力量。」
