阿緯約冼國林食飯開拖

今年7月迎娶碩士老婆的台灣組合Lollipop@F成員阿緯(劉峻緯)早前來港拍戲,雖然工作忙碌,但不忘找師傅冼國林飯敍。冼國林帶同旗下藝人、徒弟陳嘉桓、周嘉莉、葉芷如等與阿緯見面。期間眾人更切磋武藝,拳來腳往一番,師傅冼國林當然也有「過兩招」給徒弟們學習,來一頓「武」味飯局。

冼國林接受訪問,大讚徒弟阿緯有心肝,過時過節都會問候他。之前阿緯在台灣結婚,冼國林一家三口特別飛去當地飲喜酒,他表示:「我好少出埠飲喜酒,但為咗佢就破例一次啦。佢太太好靚,同佢好相襯,祝佢哋白頭到老。」

當日一班徒弟食飯,因阿緯未見過周嘉莉、葉芷如,所以要冼國林逐一介紹。當介紹周嘉莉時,阿緯搞笑地稱因師傅關係,跟周嘉莉「早已認識」。冼國林表示:「阿緯一見到周嘉莉,就話見過佢,因為我有畀一啲嘉莉嘅短片畀阿緯睇,佢仲讚嘉莉身形好。」