玄學學相：袁偉豪岑杏賢2018結婚最Perfect

現年35歲的袁偉豪（Benjamin）當年是港男冠軍，爆肌形象深入民心。不過入行多年星途平平，直至今年才憑劇集彈起，苦盡甘來。到底他是否注定是一個大器晚成的人？最新一集《東網巨星》娛樂節目《玄學星相》邀得堪輿學家雲文子分析Benjamin的命格。

對於Benjamin捱足多年才出頭，雲文子說：「見到奇門遁甲嘅卦象，袁偉豪本身命格帶『天任星』，代表山，好穩陣咁嘅意思，所以如果佢嘅事業運一炮而紅，反而會害咗佢，就係要穩打穩紮，慢慢上，如果想紅，就要咁樣嘅態度先可以長久。」

生足3個冇得輸

而Benjamin愛情同樣得意，自公開與岑杏賢的戀情後，更揚言視女友為結婚對象，問兩人何時會拉埋天窗？雲文子說：「兩個人嘅格局有『九地』相生比和，代表大家會互相幫助，或者會做到好好嘅知心好友，所以絕對旺大家嘅事業。如果結婚嘅話，到2018至2019年會更加旺，之後就可以隨即生BB，仲可以生足三個添，會更加旺o架！」想繼續聽師傅點講？立即Click入《東網巨星》的「視娛樂」睇《玄學星相》啦！

【http://goo.gl/iO5UDv】

文：專案組