精神受盡折磨！羅霖棄與前夫打官司

「美魔女」羅霖昨日身穿低胸裙出席美容活動時透露，四年來與前夫劉坤銘的官司往來，令她感到身心俱疲，決定不再打官司：「錢都花晒喺官司上面，我媽咪都好擔心，成日瞓唔着。呢幾年身體都差咗，我再咁落去都要睇心理醫生！人哋有錢有時間，我真係冇！之前我送二仔去美國讀書，喺美國時律師叫我要即刻覆佢，以為有乜緊要事，原來佢話我要應承佢喺我離港期間，佢可以去陪個細仔，臨尾仲加句生日快樂，真係好大嘅生日禮物！」她透露會盡能力負擔小朋友學費，坦言訴訟是有錢人的玩意，對自己則是精神折磨。同場的藝人黃又南自爆曾因拍電影減肥致荷爾蒙失調，面上長滿粒粒，需要睇皮膚科醫生半年。