唱K過生日Kelly爭咪輸畀兩個仔
陳慧琳（Kelly）昨日休息一天，留在家中跟老公及一對寶貝仔度過44歲正日生日，合共食足十個蛋糕的她笑言收到三支唱K神器，可讓全家過唱歌癮，但自己爭咪失敗：「重差一支咪就可以全家大合唱，兩個仔已經唱爆咪，做歌手嗰個就爭唔到，有冇搞錯！」Kelly指自兒子出世後只會為他搞生日會，自己則能有一日休息與家人食晚餐便開心，問到生日願望時說：「最緊要身體健康。」
另外，Kelly上周到馬來西亞舉行巡迴騷，特地為歌迷獻唱一首十多年前由日本歌手谷村新司教她唱的馬來西亞版《Rasa Sayang》，全場歌迷合唱生日歌預祝她生日快樂。完騷後，歌迷一直不肯離開兼送上榴槤生日蛋糕，Kelly說：「切落去以為係真(口架)！入面軟淋淋全部係Cream，超好味喎！」