單身林作：我輸晒！
出爐港姐冠軍馮盈盈的粗口事件成為熱話，網民反應兩極，麥明詩前男友林作在港姐決賽當晚亦有留意比賽，更主動在社交網為馮盈盈拉票。林作昨日被問到是否撐馮盈盈奪冠？他說：「當晚係同朋友睇，你見我本身係揀8號（阮嘉敏）在先，因為我鍾意短髮，點知兩分鐘後佢被Foul，咁梗係揀最靚嗰個。（睇港姐特別有眼光？）哈哈，都有說服啲朋友撐靚女。（依家單身想追人？）佢好似已經有個靚仔男友。（十優醫生！）嘩，已經輸晒啦！」
講到馮盈盈粗口事件惹網民反感，林作以「大驚小怪」來形容網民反應：「佢以前唔係公眾人物，只係私人戶口講啲好『行』同助語詞嘅用語，我覺得係年輕人好常見嘅事。」講到有人撐上屆冠軍麥明詩連任，問林作撐馮盈盈還是麥明詩？他說：「我唔評論麥小姐啦！我鼓勵馮盈盈繼續做自己。（麥明詩卸任感言寫『始終如一』，網民話係寸緊你？）冇咩諗法，唔回應。（依家仲有聯絡？）依家係朋友。」