康仔自誇多Friend撐：排隊都未輪到佢

康仔自言得到很多時裝界及公關界朋友支持，更借「曹操論」說：「正所謂曹操都有知心友，關公都有對頭人。我呢啲曹操都有知心友，佢『天下第一關』嘅關公都有知心友，一定有人支持佢嘅，呢件事有冇後續就要睇鄭生喇！佢話諮詢法律意見吖嘛！我重申我嘅律師等緊佢，如果有進一步行動，我嘅經理人公司、唱片公司、家人同朋友都會支持我。我都好同意佢嘅一句說話，冤家宜解不宜結，呢件事擺咗喺心兩年，正所謂不吐不快，吐咗就算，學佢話齋Move On囉！」

康仔其後再接受電話訪問，談及鄭紹康祝他「新劇高開」似暗示有人借其宣傳，康仔即反嘲有人不自量力：「如果小弟要搵人幫手做宣傳，都應該有朋友肯幫手嘅，不過呢部劇主角係陶大宇、吳啟華同宣萱，我只係男二啫！如果我真係要搵人做宣傳，排隊都未輪到鄭紹康你啦！」他更暗諷鄭紹康的「天下第一關」稱號：「天下第一關，你自己認為啫！你真係覺得自己係呀？」至於鄭紹康則表示對康仔的言論不回應。

鄭紹康	康仔（中）以嘉賓身份撐C AllStar，合唱之餘還有說有笑。	C AllStar邀請Super Girls「同床」，還趁機拖手仔。

C AllStar搵SG上床

至於C AllStar被問到康仔為超低出騷價不快一事，成員Jase說：「人哋畀幾錢係佢哋嘅事，康仔係好專業嘅，一絲不苟！」音樂會上，C AllStar與嘉賓Super Girls（SG）成員「同床」，他們受訪時笑說：「今次請到佢哋返嚟屋企試吓張床。」提到跟SG成員拖手，On仔說：「喺台上嗰刻有Feel，幾滑嘅隻手。我拖Yanny，原來佢隻手好細，又白又滑！（有戀手癖？）咁又唔係！」

文：音樂組

攝：劉智源