王宗堯忙搵錢結婚拖住先

藝人王宗堯（Greg）昨日以汽車代言人身份現身碼頭探訪貨Van司機，更送上月餅與他們預先度中秋。他透露女友蔡潔返廣州過節，未能共同度拍拖以來首個佳節。他謂：「睇吓可唔可以一齊迎月囉！表弟就中秋翌日結婚。（幾時到你結婚？）計劃吓，做爸爸好大壓力，女友都想結，始終係正常女仔，想過安穩生活，但畀多三年時間我搵錢先，到時女友都未夠30歲，所以都等得，屋企人亦冇催。」