香香爆心穎唔易追
阮兆祥、岑麗香、黃心穎、江欣燕、樂瞳等昨日在觀塘宣傳無綫劇《為食神探》，與長者預祝中秋。香香指男友在加拿大，會以視像及短訊聯絡。心穎則稱中秋會與家人慶祝，問到可有約心儀的男士？心穎說：「冇呀，太忙喇。」香香笑說：「黃心穎冇咁容易追(口架)！」心穎即說：「中秋約咗老竇，唔陪佢會嬲，佢睇我嘅社交網站好緊，寫嘢要好小心，唔可以冒犯到佢，哈哈。」
香香認為出爐港姐冠軍馮盈盈實至名歸，覺得她說話淡定，最尾的一分鐘拉票很感動。她又讚港男冠軍黎振燁對老婆所說的愛的宣言。問她想不想男友強強向她公開示愛？香香說：「唔使喇！」
有份演出劇集《巨輪Ⅱ》的阮兆祥，對於女主角陳凱琳演技被批評，被指拖累了收視，祥仔說：「一個人影響到套劇？冇咁兒戲？呢啲係善意批評，畀啲激勵佢，等佢再做好啲。」