被讚參賽會贏多次袁偉豪多謝畀面！

袁偉豪昨日現身活動時，提到前晚港男選舉，有不少人讚他今屆參賽仍會當選，他笑言要多謝各方好友畀面：「特別係陸永，咁大頂高帽，話我係重量級嘉賓，我聽到都會心微笑。我由2007年選完到依家都接近十年，喺頒獎台上都有少少感觸，尤其見到冠軍攞獎，佢有少少似我當年得獎時嘅情緒！我都有叫佢喺台上忍住，返到後台先釋放，希望佢將來有好發展！」他又自稱是資深的香港先生，回想起當年參選，更覺新一屆港男表現比自己當年鎮定：「佢哋對答如流唔緊張，我當年面對啲稍為露骨嘅問題就已經唔識答。」