路人甲升呢港男冠軍黎振燁雪前恥

港男冠、亞、季軍前晚誕生，冠軍黎振燁指賽前從沒想過會得冠軍，曾經做過三年無綫「路人甲」的他，被問到今次當選會否覺得一雪前恥？他說：「唔會！因為當年離開無綫我冇唔開心，當時只係覺得應該離開去睇吓呢個世界啫！依家覺得係時候返嚟，咁啱又有港男。」前晚黎振燁太太都有來撐老公，兩人更不時「咀嘴」大晒恩愛！黎振燁指暫未想過如何與對方慶祝，或者會煮飯畀對方食。昨晨黎振燁完成工作回家時，太太已睡了，黎振燁畀個獎太太攬住瞓，而昨午他已收到過千個祝賀短訊。