蕭正楠忙到生蛇
無綫藝人蕭正楠（Edwin）最近日以繼夜拍攝無綫劇集《翻生武林》，接連的動作戲及出外景，加上要宣傳主演的熱播劇《巨輪II》，導致長期不夠瞓，日前更捱出病來，疑因不夠休息引致抵抗力弱生蛇！
蕭正楠昨日接受本報獨家訪問時說：「之前外景畀蟲咬，搞到皮膚炎，之後又氣管敏感，成日瞓唔到，可能抵抗力弱搞到背脊生蛇，我初頭以為之前拍喺地下滾地嘅戲份畀沙虱咬，但後來有啲痛，隔兩日愈生愈多，醫生話我係生蛇。其實不嬲身體強壯，可能拍呢套劇太過消耗體力。」
吊威吔「苦過弟弟」
Edwin透露吃了抗生素，傷口已結疤，近日拍攝時惟有就住就住，並指吊威吔時一度碰到，痛楚難當。提到《翻》劇尚有三星期就拍畢，他笑言希望堅持下去：「之前都只停咗一晚廠就開工，惟有喺拍攝期間一有時間就笠住頂帽盡量爭取時間休息。」
Edwin透露其後會開拍新劇《穿梭四百年》，與老友曹永廉及田蕊妮合作，劇中會飾演明朝將軍，因返現代生活搵公主而鬧出不少笑話。
文：影視組