藝人歐錦棠與太太萬斯敏昨日穿上「盔甲」在旺角街頭宣傳舞台劇，吸引大批市民圍觀。歐錦棠指太太跌傷：「太太準備落樓梯時跌親，好彩有套盔甲擋一擋，真係嚇死我！好彩冇咩事。」他又指為舞台劇創作了14首歌，開場曲長達12分鐘：「我哋會一邊做一邊唱首4分鐘嘅歌。（唔辛苦咩？）我做開運動就應付到，女士們會吃力啲。」他還笑言舞台劇的女士服裝應凸則凸，相反自己與一班男演員就包到冚。
