張慧儀開心飛富商大把人追

與養子張晃維（Hanson）相依為命的42歲女星張慧儀，去年認識失婚大陸富商陳偉軍，拍拖一年多，曾到談婚論嫁階段。不過最近傳出二人分手。慧儀接受本報訪問承認分手，並道出雙方於生活上未能取得平衡。她稱：「主要係對方唔識喺仔女方面同我呢邊家庭攞到平衡，所以唔想浪費時間而決定分手。（Hanson有冇過問？）佢都有感受到整個過程，但都冇乜問，只要媽媽開心就開心。」

追求者福音

雖然未能開花結果，但慧儀卻未有傷心，反而愈戰愈勇，承認目前有不少追求者：「其實我依家心情冇傷心，反而係慶幸只係一年多時間，知道大家唔適合，所以唔想嘥時間。畢竟人大咗，成熟咗，但我依然祝福自己。（有人追？）我唔講大話，係有追求者，佢哋知我回復單身絕對係福音啦。不過我唔急於拍拖，所有人都係我朋友，正常社交我會做嘅，多謝大家關心我。我OK o架，冇傷感。」

懂欣賞自己

結束一段不適合的感情，才可迎接另一個Mr.Right。慧儀重整心態，源自她自強不息。她說：「自問體態、外形都keep得尚算可以，唔差啦。除咗外表，內在都有一定閱歷。我好努力拚搏養大個仔，算係一個稱職嘅媽咪。綜合外表同內在，條件唔差。人要懂得欣賞自己，我絕對會祝福自己遇到一個更適合嘅人。」

文：影視組