阿倫推紅酒賣斷市：大家試過係Good！
樂壇校長譚詠麟（阿倫）為亡友馬達昌（阿豬）完成遺願，為其在世前推出的限量版紅酒，不收分文拍攝網上版宣傳片，阿倫的一番心血沒有白費，一萬支限量版Gold Label 2007紅酒宣告「沽清」，下月中另推限量版2010年份紅酒上市。
2015年是阿倫入行40周年大日子，其摯友馬達昌（阿豬）特別為他推出名為「Alan Tam 40th Anniversary-Gold Label」2007年限量版及「Alan Tam 40th Anniversary-Silver Label」兩款紅酒，可惜紅酒推出之際，阿豬突然離世。為完成好友心血，阿倫連月來瞓身推廣，兩款紅酒更贏得專業酒評家的高度評價，口碑不斷。
贏口碑感欣慰
對於努力下創出成績，阿倫亦心感欣慰：「唔好話賣唔賣得，賣得當然非常之好，但最緊要係口碑，而口碑確係好好，係開心嘅！限量版嘅Gold Label聽講已經斷晒貨，10月中再出會係2010年嘅好年份，雖然唔同但都係好嘢嚟。」全靠阿倫的魅力令紅酒「賣斷市」，他則客氣說：「唔可以淨係我話好就好，都要大家試過係Good先。自己對呢支紅酒係有信心，係試過先，阿豬有畀幾種酒我揀去試，親自揀咗呢兩種去釀製Gold Label、Silver Label。」
自己分得六支
其實以阿倫的酒齡，相信已經是最好的「品酒專家」，他亦笑說：「俗語有話『久病成醫』，我食咁多嘢、飲咁多嘢，味覺已經去到『好刁』。（阿豬太太有冇聯絡你？）佢呢排好忙好忙，真係做唔切！」阿倫表示連月來接到不少朋友來電訂紅酒，限量版現已沽清，還聽過朋友指Gold Label在網上已炒高三、四成價錢。問到阿倫珍藏了多少箱Gold Label？他坦言只得一箱：「即係6支，邊捨得飲！要好特別嘅日子先拎出嚟飲囉！」
阿倫上次舉行試酒會，專程從意大利請來酒莊老闆出席，問到酒莊老闆可有特別提議？阿倫表示對方想繼續有更多合作：「佢提議想幫我推出一支Under我個名嘅酒，但我就想做咗依家啲先，唔需要咁急諗咁多嘢住，合作一步步嚟啦！」
http://goo.gl/JQmpqP
文：音樂組
攝：吳文聰
場地：隆堡蘭桂坊酒店Azure Restaurant Slash Bar