簡淑兒「一打七」獨享6位數酬勞

憑無綫劇《愛．回家之八時入席》成為「宅男女神」的簡淑兒（Jessica），以新任「萬成永成攝影器材有限公司」代言人身份出席《愛相機少女發布會》。對於取代前代言組合Super Girls（SG）五女，以及撇下所屬組合少女標本成員許雅婷及袁紫僑，成功「一打七」袋走6位數字「單飛」做代言人，她謙虛地說：「係廣告商想換人啫！佢哋想搵個文青啲嘅女仔，佢哋（SG）留番畀我啫！（少女標本其他成員有冇唔開心？）唔會，有時佢哋有嘢做，我都冇份啦！況且今次拍廣告，我行咗600級樓梯，佢哋唔使行喎！」又坦言可獨享酬勞。