吳寶玲告別港女多得男友改造

曾於電視節目擔任球賽女郎的模特兒吳寶玲（Cherry），早前把握空檔「捉住夏天的尾巴」到沙灘享受陽光，她表示每年夏天均會買兩、三套新泳衣留倩影，大多數都由拍拖7年的圈外男友Wilson操刀：「冇諗過會行咁耐，佢教識我好多嘢，好感謝佢改變咗我一啲價值觀，同佢一齊之前，我可以話係一個『港女』，一齊耐咗，個人簡單咗，唔嗜名牌手袋，買嘢以實用為主。」她又忍不住讚男友是筍盤，足以付託終生：「有才華，性格又好，佢唔食煙唔飲酒，對我好好，有10蚊真係畀晒10蚊我，好難得，希望我哋可以修成正果。（男友介唔介意你性感工作？）佢唔會干涉我做嘢，我有咩亦會同佢商量。」