藝人石詠莉（Sukie）為無綫節目《StarTalk》任嘉賓，細說當年由組合Freeze到自資出唱片及舉行演唱會感受。入行十年的她將於下月處女開騷，感恩今年能做到：「壓力都好大，因為係自資，好多嘢都要一腳踢，加上好耐冇喺台上跳舞，之前有腳患，做咗手術都冇再練習。」男友鄧健泓（Patrick）一直從旁協助，Sukie冧爆說：「Patrick改變咗我好多，令我對音樂重拾信心，喺Freeze時期，我曾經有情緖病，做完嘢我會無啦啦喊，唔信自己仲可以唱到好歌，仲有人再聽我唱歌。」
