藝人楊明與莊思明愛得癡纏，拍拖4個月的兩人不時放閃。楊明前晚在Instagram上載獲女友錫面珠的照片，並留言：「放心！我會令（你）睡得安穩……過得開心，因為妳是我人生裏面最後一個女人！交給我吧！Love you baby！」留言惹來求婚疑雲，但楊明接受本報訪問時否認求婚，他說：「哈哈！唔係，唔好誤會！」
至於思明昨日出席慧妍雅集活動時同樣否認婚訊，但直認視楊明為結婚對象：「如果係求婚就爭隻戒指。（有戒指就應承？）睇佢到時求婚驚唔驚喜先啦！（會唔會閃婚？）唔會，都有計劃。（男友突然網上示愛？）佢成日都氹我開心，多謝佢！（屋企人好鍾意佢？）特別係媽咪，成日託我問候佢。」