陳華鑫偷雞拍拖搞喊媽咪

擁有可愛童顏的無綫小花陳華鑫（金金）予人學生情人感覺，形象乖乖女的她，原來求學時亦反叛過！早前她在劇集《性在有情》中飾演陳敏之的妹妹，蠢蠢欲動望拍拖嘗禁果，她笑言跟當年的自己一樣：「父母管得幾嚴，唔畀我出街同傾電話，17歲嗰陣我瞞住家人同隔籬班個男仔拍拖，記得媽咪生日嗰日佢湊我放學，撞到我哋拖手，成個氣氛超奇怪，返到屋企媽咪喊晒，令我好驚！之後佢知我終於大個，依家多咗溝通，都支持我做娛樂圈。」她在劇中的泳衣戲更成為網上熱話，問能否接受更性感的演出？她豪氣地說：「泳衣、內衣冇問題。（唔怕Fans介意？）乜唔係更加鍾意咩？」