林熹瞳新Look索咗惹老外搭訕

藝人林熹瞳（Rachel）早前轉新Look，以韓風形象示人，獲各界好評之餘，工作亦增加不少，她卻高呼「後悔」：「99%嘅人都鍾意，覺得青春咗同有氣質，好後悔冇早啲剪！」她早前遠赴洛杉磯拍攝喜劇《囧到洛杉磯之出租老婆》，事前特地重溫周星馳的電影及訪問偷師：「我仲睇咗分析佢電影嘅論文，得到好多啟發。」拍攝結束後，Rachel趁機四出遊覽：「去咗拉斯維加斯睇Show，又去大峽谷同環球影城玩，嗰度嘅哈利波特主題公園好刺激、好好玩！（有冇艷遇？）喺星光大道被外籍男搭訕，佢仲話自己出唱片，拍戲時又有外籍男演員撩，但我覺得外國人鍾意辣妹多啲，我唔係佢哋杯茶！」