林嘉欣貼錢兩年延續心動感覺
林嘉欣最近膽粗粗踩過界，為日本名書法家井上有一的百歲冥壽展覽擔任策展人，原來一切緣於一幅來自井上的地藏經真迹。展覽由籌備至今花上兩年時間，但她笑言沒收半分酬勞，為的只是讓年輕一代認識藝術，相當豪氣！
在影壇發光發熱的林嘉欣，原來對藝術也有濃厚興趣，近日還搖身一變成為策展人，一切可謂緣分。5年前，她在日本觀賞已故書法家井上有一的書法展，找到心動感覺，其後認識到井上畫廊的代表並成為好友，由零開始了解井上的故事，她說：「我睇中咗幅地藏經，代表起初唔肯賣，畀咗本井上先生嘅繁體字書叫我睇。我用咗成晚時間睇晒本書，第二日上機前衝去畫廊度同代表講，可能佢覺得我好有誠意，賣咗幅書法畀我，其實都幾貴，成幾十萬，依家掛喺屋企。」
為保險費頭痛
與那名90多歲的婆婆代表言談間，對方提議她為井上舉行展覽，她膽粗粗一口答應，最終花了兩年時間籌備，並挑選了14幅「花」字系列的作品作為主要題材。適逢今年是井上的100歲冥壽，展覽將與某品牌花店合作，下月初起展開為期3個多月的展覽。首次擔任策展人的嘉欣，直言最困難是保險費問題：「貴到唔知幾多錢！我冇收酬勞，有咩事幅書法寫唔番，唔知點賠，好在有品牌公司幫手。」
唔使老公幫手
為了推廣書法這門傳統藝術，嘉欣出盡法寶宣傳，除場地布滿花海外，還碌友情卡邀請林二汶與岑寧兒在場地獻唱以「花」為主題的歌曲。問到導演老公袁劍偉可有給意見？嘉欣笑說：「佢話我唔會聽佢意見，因為我方向好明確，所以最終冇幫手。（做策展人做上癮？）都唔係，但有滿足感，下次想再同其他藝術家合作。」
場地：b. YOURSELF CAFE
髮型：Hin Wan @ il Colpo
服裝：agnes b.
化妝：Will Wong
文：影視組
攝：唐豁莊