Jude憶愛犬眼濕濕
歌手曾若華（Jude）視小獵犬Bebe為細佬，她憶述接Bebe回家時才一歲：「佢陪住我哋十五年，佢舊主人因為有咗而將佢畀咗我哋。」Jude直言照顧寵物是一生一世的事，所以由第一日開始就決定擔起照顧牠一輩子的承諾。
Jude表示Bebe八歲時突然下肢癱瘓，因為年少無知令她錯過Bebe醫療的黃金時期：「係有遺憾，以前屋企住喺兩層村屋，佢生得比較肥，成日跑上跑落搞到背脊有啲問題，八歲嗰年有一日佢匿咗喺枱底唔肯出嚟，之後出嚟就跛吓跛吓，嗰時我一個人喺屋企咩都唔識，等媽咪返嚟第二日先同佢睇醫生，已經錯過咗治療嘅黃金廿四小時。」Bebe往後日子需以輪椅輔助行路，每日要為牠「撳尿」排泄，Jude憶起也不禁眼濕濕。Jude遵守承諾照顧Bebe一生一世，最欣慰是Bebe離開時非常安詳。