星二代濕平團Hilary晒腿出「股」惑

上山詩鈉索爆19歲女兒Hilary，向來是星二代中的風頭躉，雖然最近身材略嫌發脹，仍不減甜美，早前Hilary放暑假回港，除帶新歡見媽咪，更抽空約一眾由細玩到大的星二代行街解悶。當日下午約三時，Hilary撇甩男友，由范姜帶隊，聯同梁家輝大孖女Chloe及鍾鎮濤愛女鍾嘉晴一同行名店。
Hilary翹埋手傾偈，冇乜心機掃貨。
Hilary翹埋手傾偈，冇乜心機掃貨。

在外國讀書、作風開放的Hilary穿上超短褲露半股現身，美腿加美臀成功搶鏡，她和各人有傾有講，睇完鞋再睇首飾，全程傾偈多過睇嘢，Hilary明顯冇乜心機掃貨，一時翹埋手和鍾嘉晴企埋一旁等候，一時又和Chloe雞啄唔斷。各人買完心頭好便圍在一起討論下個行程，范姜不停撳電話，未知是否為各位美少女安排行程，其後大家結伴走人。

Hilary穿超短褲露半股。
  • Hilary穿超短褲露半股。
買大袋戰利品的鍾嘉晴（左起）與Chloe及范姜傾行程。
  • 買大袋戰利品的鍾嘉晴（左起）與Chloe及范姜傾行程。