李施嬅短打赴星洲：唔知疫情
藝員李施嬅早前與袁偉豪、陳智燊等齊齊飛抵新加坡為《星和無綫電視大獎》宣傳，並出席高爾夫球活動。近期新加坡爆發寨卡病毒疫情，眾人以長褲上陣防蚊，唯獨李施嬅懵然不知更以短褲上陣：「我都唔知新加坡出現寨卡疫情，直至去到機場上機一刻，姚子羚傳短訊畀我，我先知當地情況咁嚴重！」
李施嬅自言毫無準備，曾多次到訪新加坡的她笑言此行是最驚險一次：「都有啲擔心，因為出席慈善高爾夫球活動當日，好多草叢，活動前剛下雨，所以大家都好擔心、不停互噴蚊怕水、貼蚊貼，每人都貼成十幾廿個蚊貼在身，我掛住噴蚊怕水，連防曬都唔記得搽，好彩力保不失，冇被蚊叮。」