狂野驚艷「髮」現林嘉欣2.0
形象樸實的藝人林嘉欣，在星級造型師Alvin Goh打造下脫胎換骨，戴上粉紅色假髮，加上高貴晚裝，集狂野冷艷於一身，呈現不一樣的林嘉欣，令人驚艷！
Alvin Goh為雜誌特別邀請林嘉欣拍攝9月份的封面照，Alvin透露已八年沒與嘉欣合作：「其實我唔擔心林嘉欣唔肯，因為佢接受能力好高，反而擔心佢經理人公司唔批，點知講完個造型佢哋即刻答應。」
貴為影后依然咁Nice
林嘉欣亦表示非常喜歡是次造型，並大讚粉紅色假髮可愛：「佢一打嚟就答應咗，造型、化妝全部佢諗，好信任佢。我哋希望做出一個平時大家睇唔到嘅林嘉欣。」現主力湊小朋友的林嘉欣透露暑假剛帶小朋友歐遊，現要收拾心情等開學。Alvin大讚林嘉欣雖貴為金馬獎影后，而且已生了兩個小朋友，但性格依然沒變，十分隨和，大家合作愉快。
Alvin透露過程中最困難的是找粉紅色假髮，怕太鮮色會變成「MK Look」：呢隻色搵咗好耐，為咗感覺逼真，今次個假髮唔係套上去，係用膠水黐上去，咁會貼服啲，所以特別安排師傅喺泰國飛過嚟幫佢貼假髮，出嚟效果好好！」
文：名人組
