文詠珊苦盡金來 上車做業主
藝人文詠珊近年在中港兩地穿梭工作，早前在內地工作的她，竟因壓力太大令皮膚爆粒粒，雖然頓時變得無助，但仍未有向家人求救，獨自尋求中西醫療法，成功痊愈！而近年搵真銀的她，今年終可「上車」做業主，並打造「五星級的家」孝敬父母！
文詠珊（Janice ，JM）近年在電影方面獲外間肯定，開設個人工作室的她，現時在中港兩地發展。她透露早前在內地拍戲時，因壓力太大而引致失調，頓時變得無助的她，只敢向劇組請一日病假睇醫生：「好有多小疱圍住個嘴唇係咁生，好驚好無助，從來都冇試過咁。（打返去畀媽咪？）唔啦！驚佢擔心，即刻去睇中西醫，變咗個藥煲，日日食藥，直至去到第四日就開始好。情緒方面，我都調節得好好，因為如果太差會影響到。（過咗幾耐先好番？）一個星期，醫生都有叫我好好休息，但真係唔得，因為我唔可以因為病而影響劇組，所以請咗一日睇醫生，第二日都即刻開工。」
拒做人工美女
雖然工作繁忙，但密密搵銀的她，今年終「上車」做業主，問到預算多少？她說：「都係等屋企人揀，最緊要佢哋住得舒服同開心。」
近日JM更獲得醫學美容集團垂青獲邀擔任代言人，她坦言堅持自然美，拒絕做人工美女：「我好注重皮膚質素，呢方面嘅嘢我最Care。我平時喺屋企會敷兩、三塊面膜，如果有時間嘅話，視乎嗰日皮膚狀況。（對自己個樣滿意嗎？會唔會微調？）我好多謝我媽咪，我鍾意自然同氣質美，每個人需要係唔同。」
場地：Beauty Patio
服裝：Melissa Bui
造型：Kieran Ho
髮型：Matt Chiu＠Xenter
化妝：Vinci Tsang＠VW makeup
文：專案組
攝：吳文聰