沈穎婷學箍頸 備戰搏擊賽

藝人沈穎婷（Winnie)、陳嘉莉（Kelly）及鍾溥敏等昨日出席綜合搏擊賽事記者會，曾參加該賽事的Winnie透露，今次賽制將變成淘汰賽，故有機會與Kelly等藝人對打。近日她積極減磅，目標減5公斤，她說：「由8月開始上拳手班，學習技術性嘅嘢，好似箍頸咁。（同ViuTV個拳擊比賽相似？）唔同，佢哋係MMA，我哋要同磅數對打，依家努力追平佢哋嘅磅數。我要去水，平時練到啲汗好似水樽倒水咁，唔明啲女仔仲可以化晒妝同黐假眼睫毛打拳，我哋係素顏。」她透露現時自由身，工作性質令她能騰出時間操拳。