林作唔擔心女友被搶
麥明詩早前從巴西回港，當時表示沒有特別聯絡林作，對林作要「隔離」她之言沒有介懷，似已放低感情事，不過，她回港後，似乎跟林作有不少聯繫，除了告知他要拍戲之外，林作昨日受訪時對其行蹤瞭如指掌，直言知道她正為電影開工：「我知道佢拍緊電影，對手係何浩文。（麥明詩向你報備？）唔係，只係傾偈時佢話畀我聽，唔係報備。」
何浩文之前曾被指力追麥明詩，今次兩人因拍電影「續前緣」，林作可會擔心「女友」被搶？他說：「唔會擔心，我哋都冇嘢。（你同麥明詩經已雨過天青？）呢啲嘢唔答，之前講咗唔回應。」拍愛情電影，劇情常有攬攬錫錫，林作直言不會介意：「呢啲係拍戲一部分，唔會介意同擔心。」他對麥明詩的一切都相當關注，他知否麥明詩從巴西回港後，有否往驗身？林作說：「應該冇，因為冇聽過佢話去醫院。」但當記者問到點睇何浩文時，林作即說：「唔評論其他人喇！」