蕭正楠冇眼睇澳門畀女圍

【林希孺澳門直擊】藝人蕭正楠、田蕊妮及阮兆祥等昨日到澳門宣傳無綫新劇《巨輪II》。三人率領同劇演員於澳門大三巴向途人派發花生糖，當中以Edwin最具人氣，寸步難行的他不斷被女粉絲輪流集郵。其後他們到餅店玩遊戲，穿露肩裝的阿田玩到忘形走光。而於現場相當精神的陳凱琳，事後由公關表示身體不適，未有跟大隊到酒樓受訪。

Edwin對於於劇集預告片與陳凱琳有激烈床戲，他笑言已是全部床戲場口：「唔係好多場，但我比較少拍咁親熱嘅戲。」問他有否向女友黃翠如報告？他即酸溜溜地說：「唔使啦，佢同Bosco（黃宗澤）都有拍，我依然記得，佢又同Tony（洪永城）演兩夫妻。我哋有共識，點到即止，唔需要投訴。」「醋味濃」的他更笑言會選擇性地逃避觀看女友的親熱戲。

阿田封陳凱琳做魔女

至於阿田直言拍一場公海游水戲相當難忘，她說：「替身一落水就嗌救命，最終我就由早上9點游到下晝4點，我問船家有冇鯊魚，佢答我『梗會有！』真係愈拍愈驚！」談到同劇陳凱琳演奸角發揮較大，問會否怕被搶戲？阿田說：「唔驚，佢個角色唔啱我做，我角色又唔啱佢做，就算我似佢咁後生都做唔到佢角色，佢係好吸引人嘅魔女。（你係咩女？）我係中女！」

黃翠如	蕭正楠在澳門大受女粉絲歡迎。	田蕊妮玩遊戲露黑Bra邊。

文：影視組