岑麗香度期探鍾嘉欣
藝人岑麗香（香香）昨日以露肩裝配短裙在旺角街頭出席「中國移動香港夏日BIG FUN賞不停活動」，與魔術師表演魔術，她笑稱只負責站在旁邊問「點解嘅」：「我都試過玩魔術，但冇天分，亦冇耐性去學。（男友有冇玩魔術氹你？）佢唔係魔術師。（男友平時點氹你？）咁私人，好似魔術師咁都唔會講秘訣，我喺魔術師身上學到嘢，就係唔講咁多。」
香香稱將到澳洲登台，問到會否順道探好友鍾嘉欣及BB？她說：「有啲唔順路。（有冇計劃探佢？）應該度唔到期，要等吓，可能佢會返香港呢！（佢會帶埋BB返香港？）要問佢。（你做契媽？）一定要問嘉欣，係父母決定。」她還會為香港先生表演跳舞，並會以男性化造型上陣，她笑言：「可能我可以選埋香港先生。」
